Ålesundsbiblioteka

Litt om Ålesundsbiblioteka

Ålesundsbiblioteka er fellesnamnet for alle folkebiblioteka i Ålesund kommune, og består av ni lokalbibliotek, i tillegg til bybiblioteket og fengselsbiblioteket i sentrum.

Brattvåg bibliotek

flytta i oktober 2019 inn i nye lokale i det nye Innbyggartorget i Brattvåg. Biblioteket er samlokalisert med servicetorget. Her er ope seks dagar i veka. 

Haramsøy bibliotek

Kombinasjonsbiblioteket er lokalisert på Haramsøy skule og har ope ein ettermiddag og ein kveld i veka.

Harøy bibliotek 

På Harøy skule har vi dette kombinasjonsbiblioteket, med opningstid tre dagar i veka.  

Lepsøy bibliotek

ligg på Lepsøy skule/samfunnshuset på Kjerstad og har ope ein ettermiddag i veka.  

Longva bibliotek 

ligg i same bygg som Flem skule, ved Nordøy grendahus, og har ope to ettermiddagar i veka.  

Moa bibliotek 

I november 2018 opna Moa bibliotek i nye lokale på Amfi Moa Syd. Her har vi også tilbod om meirope, det vil seie at ein kan bruke biblioteket utanom bemanna opningstid. Det er elles ope seks dagar i veka. 

Skodje bibliotek 

I den øvste etasjen på Gomerhuset finn du dette kombinasjonsbiblioteket, som har ope fem dagar i veka.  

Vatne bibliotek 

Biblioteket finn du i Vatne sentrum, ved sida av Joker. Det er ope tre dagar i veka. 

Sjøholt bibliotek 

Biblioteket er lokalisert i det tidlegare rådhuset på Sjøholt og har ope tre dagar i veka. 

Ålesund bibliotek 

Hovudbiblioteket ligg i lågblokka på rådhuset i sentrum av Ålesund og har ope seks dagar i veka.  

Ålesund bibliotek, fengselsbiblioteket 

ligg i Ålesund fengsel og har ope to dagar i veka. 

Litt historikk om biblioteket

Hovudbiblioteket tok i bruk noverende lokale i 1980 i samband med bygging av nytt rådhus i Ålesund kommune, og har ei sentral plassering i sentrum av byen. Utlånsarealet i 2. etg. er på ca. 1000 m2 og omfattar barneavdeling, voksenavdeling med aviser og tidsskrift, lokalsamling og lesesal.

I 3. etasje er det kontor for tilsette ved biblioteket, grupperom og møtesal til utleige.

Moa bibliotek flytta til Amfi Moa Syd 1. november 2018. Frå 1979 var namnet på biblioteket Spjelkavik filial og hadde lokale (460 m2) i helsehuset på Moa. I nov. 2019 vart Moa bibliotek meirope, dvs. det vart utvida opningstid utan bemanning.

Meirope bibliotek vil seie at ein kan bruke biblioteket også før og etter den bemanna opningstida. Ved å signere ein kontrakt kan du som er over 18 år, få tilgang til biblioteket frå kl. 09.00 til kl. 22.00 nesten kvar dag heile året. Ungdom mellom 16 og 18 år kan også få meiropen tilgang, då må føresette signere på kontrakten.
For å komme inn, må du skanne det aktiverte lånekortet i påloggingspanelet. Du kan bruke både plastkort eller digitalt lånekort frå Bibliofil-appen. Tast pinkoden din og vent på at døra går opp.
Her finn du kontrakta.

I 2018 vart Ålesund fengselsbibliotek oppretta med opningstid 1 dag i veka. Frå 2019 er biblioteket i fengselet tilgjengeleg for innsette 2 dagar i veka.

Fakta om tenestene

Du kan forvente av oss at

• det er gratis å låne
• du vert betent på ein imøtekommande og effektiv måte
• vi sørger for allsidig tilvekst til samlingane og er opne for forslag
• vi har aktuell offentleg informasjon tilgjengeleg
• vi låner tilgjengeleg materiell frå andre bibliotek når du har behov for det
• du får svar innan 10 arbeidsdagar når du bestiller noko biblioteket ikkje har 
• du får svar på omfattande og vanskelege spørsmål innan 3 arbeidsdagar

Vi forventar av deg at

• du følgjer biblioteket sine lånereglar
• du overheld lånefristar, slik at andre får tilgang til bøkene og anna materiell
• du erstattar tapt eller skadd materiell
• du følgjer biblioteket sine internettreglar 

Ordensreglar

Ålesundsbiblioteka skal vere ein trygg og triveleg stad å opphalde seg for alle innbyggjarar.

Generelt

Alle besøkande må difor rette seg etter biblioteket sitt regelverk og allmenne reglar for god framferd. Personalet vil i første omgang høfleg gjere merksam på dei krava biblioteket stiller til brukarane. Dersom slik oppmoding ikkje vert akseptert, kan vedkommande visast bort frå biblioteket.

Bruk av rusmiddel

Personar som er påverka av rusmiddel, personar som bruker rusmiddel og personar som kjøper eller sel rusmiddel, skal visast bort frå biblioteket.

Sjenerande åtferd

Personar som opptrer truande eller som på annan måte er til sjenanse for det øvrige publikum på grunn av støy, lukt etc. skal visast bort frå biblioteket.
Bortvising frå biblioteket sitt område betyr ikkje varig utestenging frå biblioteket. Det er eit tiltak i her og no-situasjonen, og bortviste personar skal få tilgang att til biblioteket på lik linje med andre brukarar. Varig bortvising vil vere eit alvorleg inngrep i den einskilde sine rettar og vil krevje behandling i samsvar med forvaltningslova. Ved gjentakande situasjonar som medfører bortvising, vil ein vurdere utestenging for ein kortare eller lengre periode

Samlingar på biblioteket

 På Ålesund bibliotek har vi ei stor samling - både bøker, lydbøker, musikk og spel:

• Skjønnlitteratur - eit breit utval av bøker i ulike sjangrar: romanar, dikt, skodespel, fantasy, science fiction, teikneseriar, serieromanar, humor, krim og spenning.
  
  
• For framandspråklege har vi bøker på ulike språk, og lydbøker på engelsk, tysk, fransk, spansk og italiensk. Sjå òg vårt internasjonale tilbod under Språk.
  
  
• Filmatiserte bøker for vaksne og Bok på film for barn
  
  
• Lydbøker - eit breitt utval av skjønnlitterære lydbøker av ei rekkje norske og utanlandske forfattarar. Vi har også fagbøker som lydbok. Lydbøkene vert kjøpt inn på vanlege cd-platar eller som Mp3 på cd. I tillegg kjøper biblioteket også e-lydbøker.
  
  
• Musikk - på hovudbiblioteket er det kjøpt inn ein del lokal musikk.
  Det finst og ei samling med bøker som omhandlar musikkhistorie, artistar og grupper, samt bøker for dei som ønskjer å lære å synge eller spele instrument. Vi har og eit godt utval av sang- og visebøker.

Nyheitsbrev

Nyheitsbrev fra Ålesundsbiblioteka
Få eit innblikk i kva som skjer i biblioteka, informasjon om tenestane våre og litteratursnadder gjennom det månadlege nyheitsbrevet vårt!

Tilsette

Tilsette ved Ålesund bibliotek

Tilsette ved Moa bibliotek

Tilsette ved Brattvåg og Vatne bibliotek

Tilsette ved Harøy bibliotek

Tilsette ved Haramsøy og Longva bibliotek

Tilsette ved Skodje og Sjøholt bibliotek

Tilsette ved Lepsøy bibliotek

Adresser

Organisasjonsnummer:  92041 5288 (Ålesund kommune)

Ålesund bibliotek

Postadresse: Keiser Wilhelmsgt. 15, 6003 Ålesund
Besøksadresse: Ålesund rådhus, Lavblokka, Keiser Wilhelmsgt. 15, 6003 Ålesund
Fakturaadresse: Ålesund kommunes fakturamottak, Postboks 1521, 6025 Ålesund